തോല്‍വിക്ക് പിറകെ അന്താരാഷ്ട്ര ഫുട്ബോളില്‍ നിന്ന് വിരമിച്ച് നെയ്മര്‍
സ്‌പോര്‍ട്‌സ് ഡെസ്‌ക്
ന്യൂയോര്‍ക്ക്: 2026 ഫിഫ ലോകകപ്പില്‍ നോര്‍വെയോട് തോറ്റ് ബ്രസീല്‍ പ്രീക്വാര്‍ട്ടറില്‍ പുറത്തായതിനു പിന്നാലെ അന്താരാഷ്ട്ര ഫുട്ബോളില്‍ നിന്ന് വിരമിക്കല്‍ പ്രഖ്യാപിച്ച് ബ്രസീല്‍ സൂപ്പര്‍ താരം നെയ്മര്‍. ബ്രസീലിനായി ഏറ്റവുമധികം ഗോളുകള്‍ നേടിയ താരം എന്ന ബഹുമതിയോടെയാണ് അദ്ദേഹം കളം വിടുന്നത്.34-കാരനായ നെയ്മര്‍ 16 വര്‍ഷം ബ്രസീലിന് വേണ്ടി ബൂട്ട് അണിഞ്ഞിരുന്നു.
ബ്രസീല്‍ ദേശീയ ടീമിനായി 130 മത്സരങ്ങളില്‍ നിന്ന് 80 ഗോളുകളും 59 അസിസ്റ്റുകളും നെയ്മര്‍ സ്വന്തമാക്കിയിട്ടുണ്ട്.
ബ്രസീലിനൊപ്പം 2013-ല്‍ ഫിഫ കോണ്‍ഫെഡറേഷന്‍സ് കപ്പും 2016-ല്‍ ബ്രസീലില്‍ വെച്ച് നടന്ന ഒളിമ്പിക്സില്‍ സ്വര്‍ണ്ണ മെഡലും നേടിയ താരമാണ് നെയ്മര്‍. 2012-ലെ ലണ്ടന്‍ ഒളിമ്പിക്സിലെ വെള്ളി മെഡലും നേടി. നാല് ലോകകപ്പുകളില്‍ ബ്രസീലിനായി കളിച്ചെങ്കിലും ലോകകിരീടം അദ്ദേഹത്തിന് നേടാനായില്ല.
കരിയറിലുടനീളം പരിക്കുകള്‍ നെയ്മറെ വേട്ടയാടിയിരുന്നു. ഈ ലോകകപ്പിലും പരിക്കോടെ എത്തിയ അദ്ദേഹം, ഗ്രൂപ്പ് ഘട്ടത്തിലെ മത്സരങ്ങള്‍ നഷ്ടമായതിന് ശേഷം നോര്‍വെക്കെതിരായ മത്സരത്തില്‍ പകരക്കാരനായാണ് കളത്തിലിറങ്ങിയത്.