കുവൈത്തില്‍ അനുമതിയില്ലാതെ വാഹനങ്ങളില്‍ സ്റ്റിക്കറുകള്‍ പതിക്കരുത്
കുവൈത്ത്‌സിറ്റി: വാഹനങ്ങളുടെ പുറംഭാഗത്ത് അനുമതിയില്ലാതെ സ്റ്റിക്കറുകള്‍, പോസ്റ്ററുകള്‍, എഴുത്തുകള്‍ തുടങ്ങിയവ പതിക്കുന്നതിനെതിരെ കുവൈത്ത് ജനറല്‍ ഡയറക്ടറേറ്റ് ഓഫ് ട്രാഫിക് മുന്നറിയിപ്പ് നല്‍കി. ഇത്തരം പരിഷ്‌കാരങ്ങള്‍ ട്രാഫിക് നിയമങ്ങളുടെ ലംഘനമാണെന്നും നിയമപരമായ പിഴകള്‍ക്ക് കാരണമാകുമെന്നും അധികൃതര്‍ വ്യക്തമാക്കി.
സാമൂഹികവും സവിശേഷവുമായ ആഘോഷങ്ങളുമായി ബന്ധപ്പെട്ട് വാഹനങ്ങളില്‍ സ്റ്റിക്കറുകള്‍ ഉപയോഗിക്കുന്നത് വര്‍ദ്ധിച്ചുവരുന്ന സാഹചര്യത്തിലാണ് ഈ മുന്നറിയിപ്പ് പുറപ്പെടുവിച്ചതെന്ന് ഡയറക്ടറേറ്റ് അറിയിച്ചു. മുന്‍കൂട്ടി അനുമതി വാങ്ങാതെ വാഹനങ്ങളുടെ ബോഡിയില്‍ ഇവ പ്രദര്‍ശിപ്പിക്കുന്നത് പൂര്‍ണ്ണമായും നിരോധിച്ചിട്ടുണ്ട്.
നിലവിലുള്ള ട്രാഫിക് നിയമങ്ങള്‍ അനുസരിച്ച്, ഈ നിയമം ലംഘിക്കുന്നവര്‍ക്ക് പിഴ ചുമത്തുകയോ അല്ലെങ്കില്‍ അവരുടെ വാഹനങ്ങള്‍ പിടിച്ചെടുക്കുകയോ (Impound) ചെയ്‌തേക്കാമെന്നും അധികൃതര്‍ കൂട്ടിച്ചേര്‍ത്തു.